Futbol

Aruba ta inicia CFU Gold Cup USA 2017 contra Antigua!

ORANJESTAD – Diaranson awo seleccion di Aruba ta hunga su prome wega den clasificacion di weganan eliminatorio organisa pa Caribbean Footbal Union (CFU). E prome wega di e seleccion di Aruba den Poule 1 lota contra Antigua y Barbuda na e isla di Antigua diaranson venidero. Segun e loting cu a tuma luga na Januari ultimo Aruba a cay den Poule 1 cu Antigua y St Kitts.

E sistema di weganan lo ta cu tur pais lo hunga 1 wega na cas y 1 wega como bishitante. E prome compromiso di e seleccion di Aruba lo ta dia 23 di maart na Antigua y diasabra 26 maart contra St. Kitts den stadion Guillermo Prospero Trinidad.

E seleccion di Aruba pa e compromisonan aki ta wordo dirigi pa coach Rini Coolen, disponibel a base di e acuerdo di cooperacion entre AVB y PEC Zwolle di Hulanda. Head coach Coolen ta wordo asisti pa nos coachnan local cu ta Maurice Escalona, Glen Sambo y Gionanny Thode.

E hungadonan yama pa forma parti di e seleccion ta Eric O. Abdul, Jean Marc L., Paul Nickenson y Jean Pierre Fingal di Dakota; Steven Malchor , Frederick R Gomez, Erik I Santos y Alejandro Aparicio di RCA; Theric Ruiz, Jonathan Ruiz y Pheadrick Barome di Britannia.

For di Hulanda lo yega pa reforsa e seleccion Leroy Oehlers, Dwight Oehlers, Gregor Breinburg (NEC), Gino Mulder y Gerardus Vocking.

E 2 mihonan di cada poule lo pasa pa e di dos buelta cu lo tuma luga na luna di mei venidero. E campeon y finalistanan di CFU Cup aki lo hunga na 2017 den e torneo ‘Gold Cup USA 2017’!

Most Popular

To Top