Futbol

Johan Cruijff a fayece cu 68 anja di edad

NETHERLANDS – E legendario di futbol Hulandes Johan Cruijff a fayece awemainta. Noticia official publica por medio di su website. Na 2015 Johan Cruijff a wordo diagnostica cu cancer na pecho. “Cu hopi tristeza, rondona pa su familia y amigonan y despues di un batalla fuerte contra di cancer, awe 24 Maart a fayece na Barcelona.” ta locual tin pa lesa ariba e website official di Johan Cruijff.

Hendrik Johannes Cruijff  a haci su debut na anja 1964 cu e ekipo di Ajax. Cu e ekipo di Amsterdam e delantero Hulandes a gana 3 titulo di Europa Cup. Na 1973 e la dal un paso mas grandi di bai join e ekipo di Barcelona. Cu e ekipo di Palau Blaugrana Cruijff a sa di conoce hopi exito. Despues di Spanja ainda e la hunga pa ekiponan di Los Angeles Aztecs, Levante y Feyenoord.

Como entrenador tambe e la cosecha exito cu Barcelona pero Johan lo wordo recorda pa locual e la logra cu e seleccion Hulandes na 1974 ora nan a jega final di World Cup di 1974.

Most Popular

To Top