Running

Resultado Aruba International Half Marathon Relay

ORANJESTAD – Pa di dos aña IBiSA ta organisa e competencia di ‘Student Relay’ den Aruba International Half Marathon. Despues cu aña pasa esaki a resulta den un exito total, e participacion y espectativa pa e careda di e aña aki tabata mas grandi. E careda sigur ta un motivacion pa hobennan keda participa na otro careda competitivo durante aña. Aserca IBiSA a pone e aña aki un careda di ‘Corporate Relay’ cu tambe a conta cu hopi interes y participacion di empleadonan cu a representa nan compania/departamento.

Resultado di ‘Student Relay 2016’:

Na prome lugar ta yega e team di Filomena College M.A.V.O. cu a finalisa e careda cu un tempo di 01:29:05. E studiantenan cu a forma e team tabata: Miguel Angel Profeta Moreta, Jourde Klaber, Alexander Profeta y Shanayah Howell. Nan cada un a ricibi nan trofeo, mientras cu e school a ricibi e premio di Sport Caribe cu ta un ‘cadeaubon’ na balor di Afl. 1.000,- .

Na segundo lugar ta yega e team di Maria College M.A.V.O. cu a finalisa e careda cu un tempo di 01:32:57. E studiantenan cu a forma e team pa e school tabata: Akeem Kock, Lenin Ashby, Lixander Lambrinus y Noami Albertus. Tur 4 a ricibi nan trofeo.

Na tercer lugar ta keda e team di Mon Plaisir College M.A.V.O. cu a finalisa e careda cu un tempo di 01:39:02. E studiantenan cu a forma e team pa e school tabata: Ri-John Erasmus, Brandon Theem, Albert Pop y Archelyanne Ammerlaan. Tur 4 tambe a ricibi nan trofeo.

Resultado di e prome ‘Corporate Relay’ ta como lo siguiente:

Na prome lugar ta yega e team di Departamento Gubernamental BID (Bureau Interne Dienst) cu a finalisa e careda cu un tempo di 01:37:25. E empleadonan cu a forma e team tabata: Gerald Nicolaas, Oscar Bislip, Roderick Koolman y Sherly Geerman-Delaney cu a ricibi nan trofeo di prome lugar.

Na segundo lugar ta yega e team di WEB Aruba N.V. cu a finalisa e careda cu un tempo di 01:45:52. E empleadonan cu a forma e team tabata: Oswaldo Croes, Theric Ruiz, Geraard Leesty Jeanette Croes. Tur 4 a ricibi nan trofeo.

Na tercer lugar ta keda e team di HOH (Dr. Horacio Oduber Hospital) cu a finalisa e careda cu un tempo di 01:45:55. E empleadonan cu a forma e team tabata: Marc Kraanwinkel, Bart Mangnus, Sharon Luttje y Eddy Erasmus cu na final tambe a ricibi nan trofeo.

Most Popular

To Top