Bowling

Thashaina Seraus Deportista di Anja 2015

ORANJESTAD – Ayeranochi Premio Excelencia den Deporte a celebra un anochi di gala pa e atletanan cu a destaca den differente deporte durante anja 2015 den e luhoso ballroom di Aruba Marriott Resort. Na final di anochi e premio absoluto di cheque di 10.000 florin a bai pa e deportista di anja cu keda den man di Thashaina Seraus.

Pa motibo cu Thashaina mes no por tawata tey presente pa motibo di su estudio den exterior, Opa Seraus kende for di chikito a inspira Thashaina pa bai den e mundo di bowling tawatin e honor di ricibi e premio aki den su nomber.

Thashaina Seraus ta studiando na Maryland Eastern Shore y ta den seleccion nacional di damas di Aruba. Siman pasa Seraus a gana honor pa Maryland Eastern Shore como “Bowler of the Week” pa e Mid-Eastern Conference ora cu durante e Music City Classic a termina na di 9 lugar cu un total di 1,225 pinfall durante 6 wega individual. Cu un averahe di 204.17 y un cu un victoria high score di 230 contra Wisconsin-Whitewater cu ta ranked number 10.

Nos di Sportszone Aruba ta manda un pabien grandi pa Thashaina, y sigi cu e tremendo trabow. Nos ta proud dibo!

a1e37a29-22af-42c8-b8c5-1d5d85731a61

Most Popular

To Top