Futbol

Aruba ta perde contra St. Kitts & Nevis 2-0

ORANJESTAD – Diaranzon ultimo nan a cai venci na Antigua cu score di 2-1. Ayera diasabra a toca nan pa logra un victoria na cas. Un biaha mas e publico a keda cas, banda pariba di Stadion Guillermo Prospero Trinidad tawata completamente bashi.

Aruba a alinea cu Eric Abdul den gol, Ale Aparicio, Dwight Oehlers, Theric Ruiz, Leroy Oehlers, Steven Rua, Gregor Breinburg, Eric Santos, Phaedrick Baromeo, Gino Mulder y Ronald Gomez.

Na di 38 minuut di e prome tempo St. Kitts & Nevis ta habri score por medio di Harry Panayiotou y ta bai ariba 1-0. Net prome cu halftime Aruba ta cai atras 2-0 y asina St. Kitts & Nevis ta bai sosiego cu un score comodo di 2-0.

Despues di halftime Aruba ta sali pone pression y e hungadornan a duna nan alma y cuerpo pero St. Kitts & Nevis a sa di mantene e wega pa asina bai cas cu un victoria di 2-0 ariba e ekipo di Aruba.

Asina aki Aruba ta keda elimina di e CFU Gold Cup 2017. Lo mester analisa profundo si atrobe e seleccion por competi na nivel internacional mirando cu Aruba no ta sali di e prome rond, di otro banda Curacao ta gana e ekipo di Santo Domingo cu score di 2-1 y si ta avansa pa e siguiente buelta.

Most Popular

To Top