Baseball

Shawn Duinkerk hunto cu Oakland Athletics

ARIZONA – Un otro hoben prospecto di Aruba di apenas 21 anja, Shawn Duinkerk ya tin algun siman na Arizona preparando pa e temporada nobo. Duinkerk e anja aki lo ta su di 6 temporada cu e ekipo di Oakland Athletics desde cu e la firma na 2010 despues di a lidera e ekipo di Aruba den e Senior League World Series unda Aruba a titula Campeon Mundial.

Temporada pasa Shawn Duinkerk a pasa di Arizona Rookie League pa Beliot Snappers Full season A class na unda e la hunga outfield y a bati cu un averahe di .228 despues Duinkerk a move pa e New York Penn League cu e ekipo di Vermont Lake Monsters den short season unda Duinkerk a hunga 6 wega y bati di .375

Baseball liganan menor no ta facil pero si Duinkerk sigui traha ariba su bateo manera Oakland ta spera, Duinkerk por ta un di e otro Arubiano cu ta jega Grandes Ligas.


Nos di Sports Zone Aruba ta desea Shawn Duinkerk tur clase di exito cu e temporada nobo!

 

Most Popular

To Top