Taekwondo

Brazil Taekwondo Best Team na e di 8 Ultimate Taekwondo Cup 2016

ORANJESTAD – Diasabra ultimo a tuma lugar e di 8 Ultimate Taekwondo Cup 2016 cu ta e promer clasificacion pa Best of the Best Taekwondo Cup 2016. Brazil Taekwondo Stichting su team di Train Hard Fight Smart a demonstra un biaha mas cu nan ta e team dinamico cu tin na Aruba. Un team cu ta train 6 dia pa siman y cu semper ta para cla pa cualkier evento y Ultimate Taekwondo Cup tabata e promer evento ariba e calendario di Aruba Taekwondo Bond pa aña 2016.

Brazil Taekwondo Stichting a participa cu 13 atleta y nan a bringa duro contra di nan contrincantenan demonstrando nan abilidad di Taekwondo. Un cos ta sigur cu Brazil Taekwondo Stichting tey pa keda y lo sigui train duro pa asina sigui ta e equipo dinamico cu tin na Aruba. Awor lo bay sigui prepara pa e Gold Coast Taekwondo Cup cu ta dia 14 di Mei na Centro di Bario Brazil.

Un pabien ta bay na Clifford Rasmijn kende a sali best coach di e di 8 Ultimate Taekwondo Cup 2016

Most Popular

To Top