Uncategorized

RFC2: Gregory Milliard ta gana Michael Kuiper

ORANJESTAD – Diabierna anochi Aruba Entertainment Center tawata e escenario principal pa e deporte di MMA. Redemption Fighting Championship den su di dos edicion por mira atras ariba un anochi completamente yen y Aruba a bin pa mira bon pelea y e peleanan no a desapunta.

E actual campeon di TXC Fighting Championship na Detroit e orguyo Arubano Gregory Milliard tawata sa cu Michael Kuiper ta un contricante fuerte pero for di prome dia e tawata convenci cu e mester gana.

Michael Kuiper a sali agresivo y a domina Milliard pa 3 rond completo pero ta den e ultimo dos minuut ta unda Milliard ta hanja su chens y ta caba e pelea. Y asina ta bai cu un victoria super importante pa su carera.

Awetardi pa 5:30 lo tin un Meet & Greet na Sportszone Barbershop na Santa Cruz 33. Tur hende cu bin lo ricibi nan poster firma di Gregory Milliard.

Nos di Sports Zone Aruba ta super orguyoso di Gregory Milliard!

 

Most Popular

To Top