MMA

RFC2: Un exito total pa Aruba

ORANJESTAD – Redemption Fighting Championship den su di dos edicion tawata un exito rotundo, fanaticonan di MMA a bin engrandi pa presencia Aruba contra mundo henter.

E prome pelea tawata entre Gerald Kelly y Ashley Oehlers den e categoria di featherweight unda cu Gerald Kelly a sa di gana e prome pelea di anochi. E di dos pelea di anochi tawata e prome pelea internacional unda cu Gaby van der Biezen a drenta octagon pa enfrenta Andrei Cassarino di Venezuela, van der Biezen lastimamente ta lesiona su rudia cu a pone cu Cassarino di Venezuela gana e pelea.

Den e di tres pelea di anochi Alrick Tromp ta gana Ismael Matos den di prome round, Tromp a sa di kita e ventaha di Matos su largura door di bai e ground game na unda Alrick a sa di domina cu su forsa y asina forsa e referee di para e pelea y bai cu e victoria.

E di cuater pelea a bai entre Jordy Frans di Aruba ta cai venci contra di David Winklaar representando Boneiro.

Di cinco pelea di anochi a bai entre e damanan Romely Flanegin y Ashanti Brown. Aki Romely Flanegin cual ta e yiu muher di e conocido bringando “Rambo” Flanegin ta gana su pelea.

E siguiente pelea a bolbe mira accion entre dos dama, Chiara Petrocchi di apenas 14 anja y Yalejandra Tromp di 19 anja. Chiara Petrocchi a demonstra pakiko e ta bon den e deporte di Taekwondo cu bon technica. Petrocchi ta gana por medio di tapout.

Ryan Brete representando Aruba ta gana by unanimous desicion contra di Franklin Mireles di Venezuela, unda Ryan Brete a demonstra cu e ta back den bon forma.

Marshall Oehlers ta gana Joshua Solognier den un tremendo pelea.

Pa nos e pelea di anochi tawata entre Joziro Boye di Aruba y Alexandre Guerra Lopez di Brazil cu porcierto ta entrena hunto cu un di e top team nan di Brazil Team Nogueira. Joziro Boye a bringa un tremendo pelea y Alexandre Guerra Lopez no kier a entrega y al final e la keda un split-desicion pa Joziro Boye di Aruba.

Hyram Rodriguez a hanja su mes dilanti un bon challenge den Eduardo “Edu” Pachu cu tambe ta di Team Nogueira di Brazil. Eduardo Pachu su ventaha tawata su estatura unda standup e la mantene Hyram distancia. Hyram a purba pero Eduardo Pachu a demonstra cu e ta superior y asina ta gana e pelea.

Finalmente, e ultimo dos peleanan cu Aruba tawata spera riba dje. Gregory Milliard y Evan Nedd lo mester a enfrenta dos bon challenge di dos fighter cu hopi experiencia caba.

Prome Gregory Milliard a drenta octagon pa topa Michael Kuiper di Hulanda. Kuiper no a desapunta y di e prome bati di bel a sali agresivo y domina Milliard, ta den e ultimo dos minuut di e pelea cu Milliard ta domina Kuiper pa asina gana e pelea.

E main event di anochi tawata e pelea entre Evan Nedd di Aruba y Houston Alexander di Nebraska, USA. Un bon pelea entre e dos fighternan aki y mester bisa cu Evan Nedd is indeed back y ta gana e pelea ora cu e referee ta trece stoppage na e fight aki.

Aruba a sali engrandi victorioso di e evento aki, nos tin hopi talento den e deporte aki y ta spera di mira mas evento di MMA na Aruba. Pabien!

Awetardi pa 5:30 lo tin un Meet & Greet cu Gregory Milliard na Sportszone Barbershop na Santa Cruz 33. Tur hende cu bin lo ricibi nan poster firma completamente gratis.

Most Popular

To Top