Baseball

Hoben Xander Bogaerts demonstrando talento ala Derek Jeter

Boston Globe

BOSTON – Awor e debate ta sigui mescos tempo di Alex Rodriguez/Derek Jeter/Miguel Tejada/Nomar Garciaparra y tur e shortstop jong den fin di 1990.

E la tuma tempo pero mayoria a biba na expectativa di e hype di e tempo ey pero den caso di Garciaparra e la caba prome cu a spera.

Awor tin un generacion nobo — Xander Bogaerts/Carlos Correo/Francisco Lindor/Corey Seager/Addison Russell — ken ta e mihor y ken ta bai tin e carera largo y exitoso.

Un cos ta sigur nos no lo hanja sa pa un tempo.

Tawatin un tempo Garciaparra, a gana dos titulo di bateo di liga Americana unda e la bati pa .357 y .372 di averahe mihor cu Derek Jeter y Alex Rodriguez. Igualmente un tempo Tejada tawata ta 30/100 pa basta anja y a sa di gana AL MVP cu Oakland na 2002.

Mientras cu Bogaerts ta dos anja mas bieu cu Correa, ken ainda no a haci 22 anja, locual nos por a mira di e dos shortstop aki durante e serie di Houston y Boston ta cu e discussion entre nan dos lo no stop y lo continua pa e anjanan venidero.

A tuma Bogaerts casi 2 anja pa impone su style di hunga baseball, pero na 2015 e la keda na di dos lugar pa e titulo di bateo cu un averahe di .320. Su defensiva a mira un adelanto desde cu nan a move di short pa tercera y back pa short. Diadomingo, e la comete su prome error den e prome 38 wega y esey ta hopi impresionante pa un shortstop den Grandes Ligas.

Correa a subi y tuma tur attencion ora e la gana AL Rookie of the Year despues di a bataya cu Lindor di Cleveland. Lindor tambe ta un tremendo shortstop, y ambos tawata impressionante.

Probablemente, pa motibo cu e la tuma Bogaerts mas tempo pa establece su mes, lo hopi biaha e no ta den e discussion di e mihor shortstop hobenan. Pero un cos ta sigur, nan no por lague afo di e discussion. Tur hende kier sigui wak su poder, y awor e tin 4 homerun na su nomber despues di e bataso grandi riba e Green Monster na Fenway Park.

Catcher di Oakland Stephen Vogt a conta cu pe Bogaerts ta un di e mihor bateadornan den Grandes Ligas. “E la bisami esey ora mi tawata jegando batter’s box” David Ortiz ta bisa. “E la dal un bala up the middle riba un conteo di 2 strike e ta bisami, ora bo tende esey y pensa back ariba e guy cu solamente dos anja pasa tawata bringa pa keda na nivel di Grandes Ligas. Nos ta papiando di un guy den su 20 cu no a ni jega mitar di su 20. E futuro ta den bon man.”

 

Y awor e pregunta, Bogaerts ta e siguiente Jeter? Correa ta e siguiente A-Rod? Lindor e siguiente Nomar?

E ta mustra cu Bogaerts lo ta mas un estilo di Jeter. E lo no ta un bataedor di homerun manera A-Rod of Tejada, pero mas un bateador di averahe manera Jeter, cu tambe a hunga bon defensa pa hopi anja.

Pero ken sa? Bogaerts por develop e poder den transcurso di e anjanan y lanta e bala den deep center manera e la haci diadomingo.

 

“E la bati tur tipo di pitcheo, den differente estilo, cu poder y contra guynan cu e la mira pa prome biaha,” Manager di Red Sox a splica, “E no a cambia su style di bati, ainda e ta bati pa opposite field hopi. E por ta drive e bala cu mihor consistencia y nos sigur ta pidie pa bati homerun pero e la bati differente estilo di pitcher. Y esey ta un senjal cu e ta bon bateador.”

Bogaerts ta birando un leader, su energia ta contagioso y ora bo por jega cerca di Pedrioa den e area ey bo ta “the real deal.”

Laga e discusion sigui. Un cos ta sigur e discussion ki a caba pa Red Sox.

 

Nan ta tuma Bogaerts.

 

Articulo di Nick Cafardo di Boston Globe.

Most Popular

To Top