Futbol

Nathan Loanjoe ta seya victoria pa RCA

ORANJESTAD – Den tempo addicional e victoria a wordo seya pa RCA ora cu Nathan Loanjoe defensa di RCA ta drenta area y cabesa pa pone RCA ariba 2-1 contra Britannia.

Diaranson anochi den Guillermo Prospero Trinidad a continua e playoff final di AVB den e division mas halto di nos futbol esta e Division di Honor den un wega cu a priminti di ta un tremendo wega entre RCA y Britannia . Delantero Juancho Santos ta habri marcador pa e ekipo di RCA bai ariba 1-0.  Y ta na di 34 minuut di wega Britannia ta haja un penalty unda Estrada ta cobra cu exito pa Britannia empata e wega.

Ora tur hende a kere wega lo termina empata RCA ta pone pression ariba e ekipo di Britannia y por medio di un cruze defensa di RCA Nathan Loanjoe na di 94 minuut di wega ta logra remata un cabesaso pa asina RCA bai cas cu un victoria importante ariba e pumanan di Piedra Plat Britannia.

 

Most Popular

To Top