Baseball

Bogaerts den sombra di Big Papi y Bradley ta sigui briya

BOSTON – Den e top di e mihor bateadornan di Liga Americana ta profila 4 hungador di e ekipo di Boston Red Sox.

Dos di nan ta hungadornan cu bo conoce bon caba, David Ortiz cu na fin di anja lo retira como un di e mihor bateadornan cu nos a conoce ultimo tempo y ta terminando su ultimo temporada como un di e mihornan den historia di baseball. Y e otro ta Jacky Bradley Jr. cu na e momentonan aki tin e hitting streak mas largo di Grandes Ligas, un total di 27 wega sigui pa 2016.

Y e di tres mientrastanto y cu no ta ricibi e mesun attencion apesar di ta empata na di prome lugar den averahe di bateo di Liga Americana, nada mas y nada menos cu e shortstop di Boston Xander Bogaerts. Bogaerts tin un averahe di .346 y mester agrega cu e tin 30 turno mas na bate compara cu Bradley y Ortiz. Su hitting streak ta na 16 wega y e ta e di dos mas largo activo den Grandes Ligas tras di Bradley, cu hit den 28 di su ultimo 30 partidonan y agrega cu 17 di e wega nan ey na unda e a sa di bati mas cu un hit pa wega.

“He’s all over the baseball,” Red Sox manager John Farrell a declara na e reporteronan, despues cu Bogaerts a bai di 5-3 diadomingo na unda nan a gana e ekipo di Cleveland Indians. “He fights off tough pitches for the RBI single with the bloop hit into right field. He gets a changeup up in the strike zone for his first base hit where he pulled his hands in great. “He’s got such great plate coverage and yet his hands, we talk about (Mookie Betts’) hands, Bogey is in the same category. Just very confident, flat bat path through the strike zone allows him to cover many different types of pitches.”

Riba su produccion offensivo, Bogaerts a sobresali den su progreso cu su defensa. Despues cu e la comete un total di 20 error na 2014 y anja pasa 11, e ta un di e hungador di apenas 3 anja den Grandes Ligas cu tin solamente un error den 43 wega hunga. Empata pa menos error mey mey di e shortstop nan cualifica tras di Detroit Tigers Jose Iglesias, cu ainda no a comete un error e temporada aki.

Mientras cu e temporada aki no por compara cu e despedida di David Ortiz of e tremendo temporada cu Bradley ta hincando den otro, lo bo no hanja ningun otro hungador ni den Boston, ni den cualkier otro e ekipo di Grandes Ligas cu no ta poniendo un mihor performance all-around cu e orguyo Arubano, Xander Bogaerts.

No ta keda nos nada otro di apoya e hoben Arubiano aki y vota pa su persona wordo eligi como e prome Arubiano cu lo hunga un All Star Game.

Most Popular

To Top