Baseball

ANLL Campeon di Senior Division 2016

SANTA CRUZ – A tuma cinco wega pa dicidi cua ekipo lo bira Campeon di Aruba y na final Aruba North Little League ta sobrevivi bataya y ta gana guerra. Nan a sa di gana nan prome partido tras bon pitcheo di Milangelo Richardson. Bira perde e di dos partido por medio di un wega perfecto tira pa Devyan Dyal. Logra bounce back y gana cu nan astro pitcher Jonathan “Jojo” Torromeza, bolbe perde pa knockout y pitcheo di Dani Gomes y alfinal bira gana tras un bon actuacion di e pitcher Giomir Leocadia cu score di 9-1.

Awor North league lo bai representa Aruba na e Latinoamericano den Senior Division aya na Guayama, Puerto Rico den e dianan 15-25 di Juni proximo. Un pabien na e directiva di ANLL, na e fanaticonan, na e staff technico Manager Estefano Croes y coach Roderick Simon y mas cu tur cos pabien na e hungadornan cu a bataya.

Nos di Sports Zone Aruba kier a gradici e fanaticonan di baseball Little League na Aruba pa e gran support y e commentarionan ricibi, pa 5 dia largo nos a transmiti baseball te den bo hogar atravez di iTV Canal 49. Un danki special na e crew completo, Juancho Ridderstap, na Team Films Aruba y Ildemar Kock pa e sosten. Y na cada un cu a manda nan mensahenan y tawata den sintonia claba. Nos a logra trece e ambiente di baseball mas serca dibo.

Majan diahuebs e serienan di Little League ta cuminsa na Pos Chiquito Ballpark pa 4:30pm y pa 6:30pm lo start sali e interliga di e division di Junior League na Nadi Croes/Crismo Angela Ballpark na Santa Cruz.

Most Popular

To Top