Running

Awe ta prome dia di e Aruba Bank Walk & Run 2016

ORANJESTAD – Awe ta cuminsa e popular evento di deportivo di aña, cual ta e Aruba Bank Walk & Run 2016, cu ta tuma luga riba dianan 31 di Mei, 1, 2 y 3 di Juni. Actividad programa pa duna inicio awe, dia 31 di Mei, cuminsando pa 6’or y mey di atardi saliendo for di Aruba Bank Paradera Drive-thru Center. E ruta lo ta uno di 5.4 kilometer di distancia. Pa e dia aki ta pidi un y tur pa fabor tuma nota di e siguiente ideanan pa parkeer. Espacio sugeri lo ta rond di misa y vecindario. Dor cu e ruta aki ta poco largo ta recomenda participantenan pa bisti colornan cla. Aruba Bank a percura pa pone extra luz ariba e ruta.

Segundo dia, cual ta riba diaranson , e caminata lo sali for di Fisherman’s Hut y lo tin un ruta di 5.3 kilometer. Manteniendo nos mes na peticion y pa garantisa siguridad di nos participantenan , ta pidi tur hende pa mantene nos mes na man drechi di caminda durante e ida y buelta di e ruta aki. Pa e ruta aki tambe ta conta mescos pa bisti  colornan cla, y Aruba Bank un bes mas lo pone extra luz. Pa parkeo por pensa canto di caminda dilanti e casnan di Malmokweg, saliña, y tambe mas cerca di Bakval, e caminda dilanti Marriot y Ritz Carlton. Mirando cu tin hopi biento, lo pone extra bari di sushi specialmente ariba e ruta aki cu ta canto di lama.

Tercer dia, cual ta diahuebs, dia 2 di Juni, e caminata lo sali for di Aruba Bank San Nicolas, y e ruta lo ta uno di 4.8 kilometer. E dia aki tambe tin e actividad semanal Carubbian, pues lo por bira extra druk ariba caminda. Ideanan pa parkeer ta e Bushalte, den caya mes, y Carnaval Village. Pa e ruta aki tambe ta conta e conseho di tene nos mes na man drechi di caminda pa siguridad di e participantenan.

Finalmente, dia 4, cual ta diabierna, dia 3 di Juni, e caminata lo sali for di Aruba Bank Camacuri y e ruta lo ta uno di 6.8 kilometer. Pa e ruta aki al igual cu esnan anterior ta pidi tur participante pa mantene e regla di keda na man drechi di caminda pa motibonan di siguridad.

Ariba tur ruta lo conta cu sosten di Cuerpo Policial, Rode Kruis, y tambe boluntarionan pa percura siguridad di tur participante.

E aña aki tin mas di 2500 persona cu a registra. Lo tin premionan atractivo pa e coredonan individual, pa e grupo di mas grandi, pa e grupo mas anima y pa e grupo miho uniforma.

Most Popular

To Top