Baseball

Neptunus lo defende nan titulo na Italia

ITALIA – Anja pasa Neptunus di Rotterdam a sa di titula Campeon Europeo y e anja aki nan ta bai pa defende nan titulo na Italia. Tin un total di 8 ekipo participando na e European Champions Cup 2016, Italia, Alemania, Republica Checka, San Marino y Hulanda cu dos ekipo, L&D Amsterdam y Curacao Neptunus lo bataya desde awe 31 di Mei pa 4 di Juni pa asina mira ken lo titula Campeon di Europa.

Christian Diaz, Dwayne Kemp, Daniel Fernandes y awor Randolph Oduber lo ta e Arubianonan cu lo ta cu e ekipo di Neptunus Rotterdam pa asina defende e titulo den e deporte di baseball.

Christian Diaz anja pasa a luci cu su bate y a gana e titulo maximo di bateo cu e ekipo di Neptunus na Hulanda y awor ta conta cu un otro gran hungador di Aruba den Randolph Oduber cu ser laga liber despues di a milita 5 temporada cu e farm system di Washington Nationals.

Weganan ta cuminsa diamars awe na Rimini y na San Marino, nos di Sports Zone Aruba kier a desea nos talentonan di baseball di Aruba tur clase di exito durante e Europa Cup 2016.

Most Popular

To Top