News

PABIEN JUFFROUW LISA RAS Y GRACIELLA BREWSTER CU NAN EXPOSICIÓN DI B-FIT.

SAN NICOLAS – Sport Centrum San Nicolas IBiSA ta felicita Juffrouwnan Lisa Ras y Graciella Brewster cu nan exposición di B-Fit dialuna recién, 30 di Mei na IPA. E exposicion tabata relaciona cu e projecto di aña pasa 15 di April 2015, (e tempo ey studiantenan di IPA), Lisa Ras y Graciella Brewster a encabesa y organisa e famoso B-Fit den Sport Centrum San Nicolas IBiSA.

E actividad aki tabata tin como meta pa e publico bin mira demostración di e diferente deportenan cu ta wordo practica den e Sport Centrum, pero tambe e publico tabata tin e oportunidad pa participa na diferente actividad di movecion.

Tabata tin entre otro: demostracion di Basketball (Stealers), , Capoeira ,Tafel Tennis, Judo, Boxing, Dam, Jiu Jitsu y Hisamento di peso. Tambe riba e mesun mainta tabata tin e diferente school, John Wesley, Abraham de Veer y Colegio a haci nan deporte enconeccion cu e dia di movecion.

Atardi e instructora Haydee a duna un “warm up” di Zumba pa asina después sigui cu un Walk y Run di 5 km cu un participación hopi grandi, cu a pasa riba e “San Nicolas Linear Sidewalk”.

E Bus di Salud tabata presente unda comunidad por a hasi nan testnan gratis. Y tambe Fundacion “Movicion ta Bida”

Sport Centrum San Nicolas IBiSA ta felicita Juffrouwnan Lisa Ras y Graciella Brewster cu nan tremendo exposición, Tambe nan coleganan cu a gradua tabata tin bunita exposicion varia riba diferente topico, PABIEN.

Most Popular

To Top