Futbol

RCA a ricibi Campeon di Jupiler league Denzel Dumfries

ORANJESTAD – Denzel Dumfries no ta desconoci na Aruba, Dumfries na Maart di 2014 a pone su mes riba mapa internacional ora por medio di un tremendo tiro ta score pa pais Aruba contra e ekipo di Guam den un international friendly. Dumfries es tempo ey tawata milita cu Spartaan ’20 y ora e la regresa Hulanda a hanja acogida serca varios club.

Desde diasabra e hoben Arubiano Denzel Dumfries ta na Aruba, despues cu na April ultimo e hoben Arubiano a yuda su club Sparta Rotterdam titula Campeon di Jupiler league na Hulanda. Asina tambe e ekipo di Dumfries lo promove pa Eredivisie otro anja despues cu na 2010 nan a degrada.

Denzel Dumfries ayera a ser ricibi cu honor na RCA Arena unda e muchanan di RCA a hanja e chens di sera conoci cune y hanja chens di hanja un autografo y saca potret cu e talento di anja di Jupiler league pa locual ta trata e campeonato 2015/2016. Denzel Dumfries a jega di milita pa e ekipo di RCA tempo e tabata chiquito y personalmente tawata sumamente orguyoso di por a regresa un lugar conoci pe.

Denzel Dumfries lastimamente no por hunga pa seleccion di Aruba mas, oportunidad a habri serca seleccion Hulandes U20 y Dumfries a scohe pa hunga pa Hulanda.

Nos di Sports Zone Aruba ta orguyoso di e logronan di Denzel Dumfries y cu pronto e por jega su meta di por hunga pa e seleccion nacional di Hulanda.

 

Most Popular

To Top