Baseball

North y Center den gran final di Aruba Little League

SANTA CRUZ – Diamars a tuma lugar e di 3 y ultimo partido entre Center y South league pa dicidi ken ta avansa pa e gran final di Junior league di Aruba Little League. E serie tawata empata 1-1 y ayeranochi Center a gana cu score di 21-5. Pitcheo a caba cu South league mirando cu nan tin un schedule unda teamnan ta hungando tur dia.

Den Little League, Center diadomingo a clasifica pa final despues di a gana dos partido den fin di siman y mester a warda ganador di South y North. Den prome wega di e “best of three” North league ta gana cu score di 4-2 y ayera North league ta gana cu score di 10-9 pa asina avansa pa e gran final di Aruba Little League.

Diasabra tur cos ta cuminsa, ora cu den Junior league North y Center lo midi forsa pa mira ken lo hanja e honor di representa Aruba na St. Maarten.

Mientras cu diasabra atardi pa 4or na Pos Chiquito Ballpark ta start sali e gran final di Little League entre Center y North.

Nos di Sports Zone Aruba ta desea ambos liga tur clase di exito. May the best one win!

Schedule Update

Final Junior League 2016
Game 1: North vs Center 6:30am Nadi Croes/Crismo Angela Ballpark
Game 2: Center vs North 1:30pm Nadi Croes/Crismo Angela Ballpark
Game 3: North vs Center 6:30pm Nadi Croes/Crismo Angela Ballpark (If necessary)

Final Little League 2016
Game 1: Center vs North 4:00pm Pos Chiquito Ballpark
Game 2: North vs Center 4:00pm Pos Chiquito Ballpark
Game 3: Center vs North 4:30pm Pos Chiquito Ballpark (If necessary)

Most Popular

To Top