Baseball

Xander Bogaerts 26 wega sigui di hit

BOSTON – Ayeranochi Boston Red Sox ta cai venci contra e ekipo di Baltimore Orioles cu score di 12-7. Xander Bogaert ta extende su “hitting streak” na 26 wega. Y ta mantene un averahe di .347 e mihor den liga americana.

Cu 26 wega, Xander Bogaerts ta empata na di 6 lugar cu Johnny Pesky (1947), Nomar Garciaparra (2003) y Jose Reyes (2003) como e hungadornan di shortstop di tur tempo cu tin un “hitting streak” asina largo. Jimmy Rollins na 2005 tin esun di mas largo cu ta un total di 38 wega sigui como shortstop.

Boston ta den un bon lugar aworaki cu e futuro den man di e hobenan, Bogaerts, Betts y Bradley a demonstra cu nan merece di ta den Grandes Ligas awor cu nan a establece nan mes. E pregunta awor ta con Boston lo mantene e grupo hunto pa sigura futuro di e organisacion.

Awenochi pa 7:10pm Boston Red Sox lo enfrenta e ekipo di Toronto Blue Jays pa asina Bogaerts pusha pa e di 27 wega sigui.

Most Popular

To Top