Baseball

Center Campeon di Aruba Little League

POS CHIQUITO – Despues di un tremendo bataya durante fin di siman, na unda cu diasabra Center league ta cai venci cu un Grand Slam homerun di e primera base di North league Jaydan Farro, e pitcher estelar di e ekipo Central BJ Rincones ta bin por la goma diadomingo atardi pa asina Center league por a empata e serie 1-1.

Dialuna anochi na Pos Chiquito Ballpark tawata e escenario principal pa e gran final, serie empata na uno ambos ekipo a sali pa gana. Aruba Center Little League a habri cu nan mihor pitcher den Shawn Bareno y pa North league a habri Carlton Roga. Center ta cai atras tempran pero nan batenan tawata on y ta bin gana cu score abulta di 15-6 pa asina titula Campeon di Aruba pa di dos anja consecutivo. Awor lo nan bai representa Aruba na St. Croix, US Virgin Islands durante di Serie del Caribe!

Un pabien grandi ta bai na e Manager Elwin Rincones y su staff technico, na e fanaticonan y mayornan y na e hungadornan cu a demonstra nan talento. Nos di Sports Zone Aruba ta deseanan tur clase di exito na Serie del Caribe!

Most Popular

To Top