Taekwondo

MONICA PIMENTEL PREPARANDO NA LA LOMA MEXICO

MEXICO – Ocho deportista cu a clasifica pa Weganan Olimpico na Rio de Janiero a termina nan prome fase di preparacion y lo ta den competencia den e Panamericano di Taekwondo na Queretaro, Mexico.

Varios ta e seleccionan cu ta na e Centro di Alto Rendimiento na San Luis Potosi dirigi pa Miguel Camacho: Aruba, Santo Domingo, Spanja, Peru y Panama.

Aruba su representate femenino Monica Pimentel lo ta compitiendo y ta preparando hunto cu Cristal Weeks di Puerto Rico cu a bin e Centro di Alto Rendimiento na San Luis Potosi, pa prepara pa e altura. E centro ta 1,900 meter riba nivel di lama, y unda e competencia ta tuma lugar na Queretaro e nivel ta 1,800 meter cu ta bastante halto y lo hunga un rol durante competencia.

Monica Pimentel lo ta den bataya awe na Queretaro, Mexico y nos di Sports Zone Aruba ta desea Monica Pimentel tur clase di exito!

Most Popular

To Top