Basketball

ABB Finals: Impact Ballers ta empata e serie final 2-2

SAN NICOLAS – Ayeranochi e ekipo di San Nicolas Impact Ballers a bin decidido pa no laga Dakota titula Campeon den nan bario. Den cooperacion cu Team Films Aruba, Sports Zone Aruba conhuntamente cu iTV Canal 49 a transmiti e final di Aruba Basketball Bond en vivo for di YMCA San Nicolas. Den e prome dos weganan di e gran final e ekipo di Dakota Brothers a sali gana dos wega pa tuma un ventaha amplio den e serie.

Impact Ballers atras dos wega ta sorprende tur hende y bin gana dos wega sigui pa asina empata e serie na dos wega pa banda. Ayeranochi nan ta gana cu score di 54-44 den un forma convincente y asina ta forsa Game 5 pa asina mira ken ta bira Campeon di Aruba den e division mas halto di basketball na Aruba.

Game 5 lo ta diabierna awor pa 7:30pm di anochi na Centro Deportivo Betico Croes na Santa Cruz, fanaticonan di basketball ta keda cordialmente invita pa bin presencia e gran final di basketball.

Transmission lo ta envivo atravez di iTV Canal 49 y livestreaming atravez di Sports Zone Aruba ariba Facebook. Commentario y naracion ta danki na John Pantophlet y Anselmo Mathew.

Most Popular

To Top