Baseball

Aruba North Little League Campeon Minor 2016

TANKI LEENDERT – Diabierna atardi na veld di Ayo e dos ekiponan di Minor di Aruba Little league a topa otro pa asina ken lo bira Campeon di Aruba. North league a sali brabo y ta gana cu score di 10-4 tras di bon pitcheo y bateo di Dwayne Dabian.

Diasabra mainta tawata wega number 2 die best out of three cu a tuma lugar na veld di Tanki Leendert. Center a sali brabo y ta bai ariba den 2 inning cu score di 8-0 riba un inside the park homerun di Keyon Ashby pero North league no ta baha cabes y ta Dwayne Dabian un biaha mas ta connecta un grandslam pa asina pone North league back den partido.

Ta den di ultimo inning atras 10-8 Dwayne Dabian un biaha mas ta bati di doblete pa asina empata e wega 10-10 y asina North league ta bin gana e ekipo Central cu score di 11-10.

Aruba North Little League awor lo representa Aruba den e Latinoamericano di Minor na Puerto Rico. Nos di Sports Zone Aruba ta deseanan tur clase di exito! Pabien na e staff di Coaches, na e mayornan y na e hungadornan cu e titulo di Campeon di Aruba!

Photo by Alvin Werleman.

Most Popular

To Top