Baseball

Aruba ta gana St. Maarten 14-7

PUERTO RICO – E seleccion di Aruba den Senior League 15-16 anja ta logra nan prome victoria den e Latino Americano na Guayama, Puerto Rico ora nan ta gana e ekipo di St. Maarten cu e score di 14 – 7.

Den nan prome partido Aruba a sali perde contra e fuerte ekipo di Venezuela cu score di 7-2 despues di tawatin e wega bon wanta 2-1 pa pitcher Milangelo Richardson pero errornan costoso a costa Aruba e derota.

Puerto Rico, e ekipo di cas ta bira gana Aruba e siguiente dia cu score di 10-1 pitcher ganador a resulta Fransisco Mateo mientras cu pa Aruba a perde Giomir Leocadia.

Majan Aruba lo enfrenta e ekipo di Panama y lo bo por sigui e transmission envivo atraves di Guia Deportivo cu naracion di Alex Falconi y commentarionan di Greg Manuel.

Most Popular

To Top