Futbol

Emile Linkers ta bay milita den RVVH

RIDDERKERK – Ekipo di RVVH Ridderkerk dirigi pa e Arubiano Giovanni Franken ta sigui duna opportunidad na Arubianonan pa asina destaca y sigui desaroya nan futbol.

Coach Franken porcierto e anja aki ta celebra su di 10 anja cu RVVH tanto como hungador y coach y a duna opportunidad na various hungador Arubiano entre otro, Ronnie Nouwen, Ronald Gomez, Jean Luc Bergen, David Abdul, Daniel Geerman, Dirk van Leenen y Rensy Barradas.

Awor pa e campeonato 2016 – 2017 RVVH ta fortifica su “eerste selectie” cu un delantero talentoso esta Emile Linkers. Linkers a hunga den su jeugd pa entre otro Baronie, NAC y RBC Roosendaal. Alavez Linkers a hunga pa differente jeudgselecties di Hulanda.

Linkers ja caba tin experience di Topklasse paso den pasado ela hunga cu Baronie (Breda) y ARC (Alphen a.d. Rijn). Fuera di esey, Linkers a milita e ultimo 4 anja nan den futbol professional na Indonesia pa PSGC Galuh Ciamis y tabata un superstar di liga di e dicho pais

Emile Emanuel Anthony Linkers di apenas 25 anja ta un delantero di pia links cu por hunga riba various posicion como delantero. Na 2014 Linkers a hasi su debut pa seleccion di Aruba. Linkers a hasi debut riba mei 30, 2014 den e partido di Caribbean Cup contra di Turks and Caicos cu Aruba a gana 1 – 0 y alavez Linkers a anota e goal cu a duna Aruba e victoria.

Nos di Sports Zone Aruba ta spera cu Emile Linkers por sigui destaca riba un nivel halto di futbol. For di Aruba nos ta manda tur classe di exito pa Emile Linkers y RVVH y cu nan por tin un tremendo campeonato 2016 – 2017.

Most Popular

To Top