Weightlifting

Hoben Arubiano Fransi Frans ta kibra record Hulandes

TILBURG – Diadomingo 26 juni ultimo dos hoben Arubiano Fransi Frans y Justin Matos a competi den un torneo di team na Hulanda. E team Extreme Crossfit Academy Tilburg cual ambos ta forma parti di dje bou guia di nan Coach Sharlon Hellement a sa di clasifica pa e siguiente vuelta den e competencia regional cu a cuminsa na Februari 2016 y a termina diadomingo ultimo. 

Den e torneo aki Fransi Frans a kibra 2 record Hulandes di e Junioren den disciplina di “Clean & Jerk” cu 80 kg y den “Snatch” cu 66 kg. Su totaal di 146 kg tambe ta un record Hulandes riba su mes. Justin Matos tambe ta kibra un record Hulandes den su categoria despues di a “Snatch” cu 63 kg.

Na September 2016 su team lo sigi ariba nivel landelijk cu e torneo pa Nationale Kampioenschap. Despues cu Fransi a haal su VWO diploma e la bai hunto cu e beursalen anja pasa na Augustus 2015 Hulanda Tilburg pa hasi su opleiding di Sportsmanagement.

Nos di Sports Zone Aruba ta felicita Fransi Frans y Justin Matos cu e tremendo logronan aki! Pabien!

Most Popular

To Top