Baseball

World Series: Aruba ta gana California 12-8

INDIANA – Aruba ta gana e ekipo di Chula Vista, California cu score di 12-8 pa asina bai cu nan di 2 victoria di e Colt World Series cu ta tumando lugar na Lafayette, Indiana na Estados Unidos.

E team di Aruba ta representando e zona di Caribe despues cu Puerto Rico no por a sigura suficiente fondo pa por a participa na e World Series. Anja pasa Puerto Rico a titula campeon mundial despues di a vence e ekipo di Greensboro, North Carolina.

Aruba awor ta favorito cu un record di 2 gana y 0 perdi. Aruba den nan prome partido a sa di gana cu score abulta di 18-5 riba Hoosier, North.

Aruba awe lo ta hungando pa 4or contra Hoosier, North pa asina mira ken ta drenta e semifinal.

Sports Zone Aruba hunto cu cooperacion di Team Films Aruba lo tin e transmission envivo atravez iTV Canal 49.

Most Popular

To Top