Sailing

RIO 2016: Philipine van Aanholt batayando cu e mihornan

RIO – Philipine van Aanholt ta cay un posicion despues di dos dia di competencia na Rio. Cambio di biento y coriente fuerte den e Marina Da Gloria.

“E biento den e Marina Da Gloria na Rio de Janeiro tabata fuerte y ta bira constant, riba dje e coriente di awa tabata dificil pa lesa, casi tur participante tabata tin e dificultad ey den heat number 4”, Van Aanholt ta conta.

Remarcabel ta cu tur e bon atletanan di vela a encontra varios problema cu e heat aki consecuentemente casi tur a cay un of mas posicion riba e tabla general. Nos atleta Philipine van Aanholt a finalisa e heat number cuater na posicion number 32 y ta cay asina di puesto 26 pa 27 riba e tabla di posision nobo. No obstante di esaki, Philipine tin 3 dia di competencia mas pa bay y ta sinti cu e por mucho mas miho y ta spera cu e condicion di tempo mehora.

Most Popular

To Top