Sailing

Historia Nicole van Velden y Thijs Visser a drenta number uno

RIO – E abanderada di Aruba Nicole Van Velden a haci historia cu su entrada na Weganan Olimpico su ceremonia official y awor ta bolbe hanja attencion mundial den e disciplina di Nacra 17 Mixed unda su persona y Thijs Visser ta logra jega prome den nan race contra e otro 19 pais participando.

Sigur un logro historico pa Nicole van der Velden y Thijs Visser den e Weganan Olimpico di Rio 2016. Despues di a conoce un dia menos bon den nan prome aparicion, e atletanan di Nacra 17, Nicole van der Velden y Thijs Visser a marca historia pa pais Aruba awe mainta den e bahia Marina Da Gloria na Rio de Janeiro.

Den e prome race Nicole y Thijs a logra gana e competencia lagando 19 pais nan tras, esaki sigur ta logro unico pa Aruba. Mester bisa cu Aruba su nomber a keda resona constantemente na television y e comentaristanan tabata papia di Aruba su beachnan, e solo, e lama blauw y mas cu claro e deporte di vela cual nos a bira conoci pe danki na Nicole y Thijs como tambe Philipine.

Nos di Sports Zone Aruba ta desea nos atletanan tur clase di exito! Pabien Aruba!

Most Popular

To Top