Baseball

Baseball AA ta cla pa ranca sali

ORANJESTAD – Despues cu e miembronan di Amateur Baseball Bond Aruba a eligi un bestuur nobo pa ABBA na April ultimo, e bestuur nobo a cuminza traha riba differente preocupacionan di e miembronan, riba e Campeonato 2016 y tambe riba e futuro di baseball riba e isla di Aruba.

Despues di tur e trabownan y esfuerzonan cu a cuminza pero cu ainda falta hopi pa termina, nos por anuncia cu nos baseball AA lo bay start Augustus 26 venidero na Stadion Nadi Croes/ Crismo Angela na Santa Cruz. E prome partido lo ta entre e campeon y sub-campeon di aña 2015. Mas cu claro, e sub-campeon, ATCO Indians lo bin dicidido di pa recobra nan titulo campeonil cu tawata den nan man 2012 ultimo.
Red Machine e actual campeon di Aruba desde 2013 kiermeen cu e trofeo ta cas e ta keda. Pues, e lo ta sigur un bataya candeloso e prome partido di Campeonato 2016.

Naturalmente promer cu e wega lo bay tin apertura official di e campeonato compaña cu e lanzamento di e prome bala, na ken e Campeonato ta dedica y algun palabra di nos dignitarionan. Pues for di awor caba, e directiva di ABBA ta invita e pueblo di Aruba pa e apertura di nos baseball AA y tambe keda pendiente pa e schedule di e weganan y mas informacion di nos baseball AA den prensa.

Pa mas informacion di ABBA, no hesita pa subi y like nos facebook page www.facebook.com/arubaabba.

sportszone_abba

Most Popular

To Top