Baseball

Jiandido y Chadwick a enfrenta otro den Jackie Robinson Ballpark

DAYTONA – E ta un momento masha unico ora dos ruman por topa otro na e nivel di liganan menor mas aun ora ambos ta bin di un pais asina chiquito manera Aruba. Jiandido y Chadwick ayeranochi un biaha mas a topa otro e biaha aki den Jackie Robinson Ballpark na Daytona.

Nos di Sports Zone Aruba tawata presente unda Aldrick Alexander a hiba entrevista amplio cu ambos hungador Arubano pa asina sigui nan desaroyo di baseball den liganan menor. Jiandido y Chadwick Tromp ambos ta den “Class A Advanced” di e Florida State League di nan respectivo organisacion y nan ta trahando duro pa sigui avansa pa e siguiente nivel di baseball.
Jiandido, Aldrick, Chadwick
Chadwick Tromp ta e actual catcher di e ekipo di Daytona Tortugas cu ta afilia cu e ekipo di Cincinnati Reds mientras cu Jiandido Tromp ta outfielder pa e ekipo di Clearwater Treshers cu ta afilia cu e ekipo di Philadelphia Phillies. Daytona Tortugas ta gana cu score di 13-3 di e ekipo di Clearwater Treshers.

Sports Zone Aruba pronto lo presenta e video completo di e dos hobenan Arubiano cu ta luchando pa logra nan sonjo di un dia jega Grandes Ligas.

Most Popular

To Top