Softball

Eldrick Dijkhoff, Jair Thompson y Gilward Wester cu Hoofddorp Pioneers

ITALIA – Tin tres Arubiano ta hungando na Italia hunto cu e ekipo Hulandes di Hoofddorp Pioneers den e European Club Championship Softball. Eldrick Dijkhoff, Jair Thompson y Gilward Wester a biaha siman pasa pa Hulanda unda nan a join e ekipo di Pioneers pa asina nan a viaha pa Italia.

E ekipo Hulandes di Hoofddorp Pioneers ta den Pool C hunto cu Hurricanes di Dinamarca, Magos di España, Tempo di Czechoslovakia, Junior Alpino di Italia y Chicaboos di Belgica.

Dialuna Pioneers a gana e ekipo di Junior Alpino cu score di 8-1 unda cu Eldrick Dijkhoff ta conecta di homerun. Diamars Pioneers ta suta e ekipo di Magos di España cu score abulta di 19-4  unda cu Eldrick Dijkhoff a bai di 4-4 mientras cu Gilward Wester ta connecta di homerun. Despues nan a hunga contra di Tempo di Czechoslovakia unda nan a gana pa knockout 10-0.

Awe den nan prome encuentro nan a topa Chicaboos di Belgica na unda nan a sa di gana 16-9 y un rato pasa nan a laga e ekipo di Dinamarca den terreno cu score di 10-8 pa asina tuma liderazgo den Pool C.

Mester bisa cu tur 3 ta yudando e ekipo di Pioneers, Eldrick Dijkhoff su bate ta on mientras cu Jair Thompson a subi monticulo y mira accion y Gilward Wester ta catcher pa e ekipo Hulandes.

Majan lo nan cuminsa e parti di qualificacion y nos di Sports Zone Aruba ta deseanan tur clase di exito!

Most Popular

To Top