Softball

Neptunus buscando clasificacion cu ayudo di Aruba

ROTTERDAM – Neptunus e ekipo di softball damas di Rotterdam ta consisti di mescla di cultura, cual ta Arubiano (2), Antiyano (8) y Hulandes (4). E ekipo ta wordo maneha pa un yiu di Corsow, Stanley Boutisma y e Arubiano Arnold Whitfield.

E ekipo di Neptunus actualmente ta na promer lugar den 1ste klasse pero uno di esnan mas popular cu posibilidad grandi pa subi di nivel (Zilver League cual ta topsport na Hulanda). Falta solamente 3 weekend cual ta consisti di en total di 6 wega pa asina e ekipo di Neptunus por bay final pa por logra cumpli cu un soño y meta cu nan como ekipo a pone pa e Campeonato 2016.

Un tiki di Franchesca Diaz y Tianne Martina. Dos aña pasa e dos Arubianonan di e ekipo di Neptunus a tuma e stap grandi pa sigui cu nan estudio na Hulanda. Nan a dicidi di combina nan estudio cu e deporte cu nan tin passion pe.

Franchesca Diaz ta studia Financiële Administratie (MBO) y ta domina 2 posicion riba veld cual ta Pitcher of primera base y Tianne Martina ta studia Sport Marketing & Management (HBO) y e tambe ta domina 2 posicion riba veld cual ta catcher of tercera base.

Most Popular

To Top