MMA

Sorpresa, Gregory Milliard ta perde pa split desicion

DETROIT – Un pelea cu a priminti hopi accion, un “standup fight” entre un boxeador y un “muay thai fighter”, Gregory Milliard a bin te Detroit for di Aruba como campeon di e peso Middleweight y a enfrenta Muhammad Abdullah como e “challenger”.

Gregory Milliard a drenta e octagon cu un strategia solido cu a funciona, den e prome rond e habri cu varios skop den pia unda a stroba Abdullah di usa su man rapido. Abdullah mester a cambia strategia y a purba di bai lona pa purba contene Milliard, e no por a logra tampoco pa motibo cu Milliard su defensa tawata solido.

E pelea mester a bai e ruta completo di 5 rond unda Gregory Milliard a mustra na varios occacion den control di e pelea, unda e la logra pone Abdullah tambalia na varios occasion pero no por a termina Abdullah y asina e pelea mester a wordo dicidi pa e jueznan.

E commentaristanan di TXC Fighting Championship tawata convenci cu Milliard a gana e pelea, mirando cu Abdullah no por a haci niun danjo na Milliard.

Na e reaccion di sorpresa di e announcer ya a nota cu algo no tawata bon. Desicion di e jueznan tawata como lo siguiente, 48-47 Abdullah, 48-47 Milliard y campeon nobo di TXC Middleweight Championship 48-46 Muhammad Abdullah.

Nos di Sports Zone Aruba ta orguyoso di e tremendo pelea un biaha mas cu Gregory Milliard a hiba, Aruba su nomber a keda den halto den e deporte di MMA. Awor ta keda na Muhammad Abdullah y Gregory Milliard si nos lo mira un revancha.

Nos kier a gradici iTV Canal 49 cu a sa di pone e senjal envivo pa asina Aruba completo por tawata den sintonia di e gran pelea di Gregory Milliard for di Detroit, Michigan.

Most Popular

To Top