Swimming

Aruba Bank partner oficial di deporte Arubano

ORANJESTAD – Aruba Bank a lansa nan website y nan plataforma di online banking nobo y e team di mercadeo a scohe e biaha aki pa perfila e atleta Allyson Ponson. Poco ta e atletanan local cu ta perfila den un commercial na Aruba. E ehempelnan ta poco, Xander Bogaerts cu SETAR, Quincy Breell cu Digicel y awor Allyson Ponson landador di e 50m freestyle na Olympiada na Rio.

Nos por mira Allyson ta prepara pa su careda di 100m na piscina olimpico Roly Bislik na Savaneta unda cu na mitar di su careda ta saca cu cellular pa haci un transaccion bancario cu no por a warda. Commentaristanan deportivo Andrew Vrolijk y Seever Krozendijk tambe a participa na e tremendo produccion di Aruba Bank.

Un palabra di pabien na e team di mercadeo di Aruba Bank cu e video commercial aki, na director di e video Sr. Juan Torres y na landador olimpico Allyson Ponson.

Most Popular

To Top