Bodyboarding

Bodyboarder Joshua Kelly lo representa Aruba APB Tour na Viana Do Castelo, Portugal

Jonathan Colina Photography

ORANJESTAD – Aruba Bodyboard Association a evalua e sistema di ranking despues di 4 competencia den henter e anja y asina yega na e conclusion pa eligi e hoben Joshua Kelly pa representa Aruba den competencia mundial cu lo conta cu e mihonan di mundo den bodyboard masculino. Anja pasa e bodyboarder nan Jeremy Loefstok, Anthony Wever, Jayfrem Croes y e propio Joshua Kelly a bataya fuerte contra di e top mundial den e deporte acuatico den e Sintra Pro 2015 y Nazare Pro 2015 ambos organisa pa e Association of Professional Bodyboarders.

E biaha aki ta Joshua Kelly so lo competi y purba saca cara di Aruba. Pa Joshua esaki lo ta un otro experiencia mas mirando cu aunke e la competi anja pasa, e lo ta mucho mas miho prepara pa e competencia di e anja aki. Anja pasa Joshua Kelly a keda na di 49 luga den e Men’s Open Division. E deporte extremo bodyboard a bira uno hopi popular na Aruba, unda particularmente nos hobennan ta practica esaki na nos costanan Norte, esakinan Druif, Wariruri, Dos Playa, Anker. Aruba Bodyboard Association ta organisa su competencianan a base regular y ta atende competencianan internacional.

Most Popular

To Top