Baseball

Freezone Rockets ta derota Braves 6-5 den un wega dramatico

SANTA CRUZ – Campeonato di baseball AA ta den full swing. Finalisando e siman tras di lomba, e ekipo di Freezone Rockets a enfrenta Bravez na tereno di Nadi Croes/Crismo Angela. E ekipo di Braves como ekipo di cas a presenta cu Edmar Tromp como nan pitcher habridor mientras cu ekipo di Freezone Rockets a contra aresta cu Bryan Courthar como nan pitcher habridor.

Ambos ekipo den prome inning nan no a logra score careda, pero den cabez di tres inning ekipo di Freezone Rockets a logra anota 4 careda y tuma ventaha confortable trempan. Ekipo di Braves a reacciona den bom di cinco inning anotando un careda y despues den bom di 6 inning a score 3 careda pa asina empata e wega 4-4. Den cabez di siete inning Freezone Rockets ta tuma ventaha un biaha mas anotando 2 careda pa asina haci e wega 6-4. Den bom di seis inning Braves ta score 1 careda y asina e wega ta bira 6-5. Despues di esaki ningun di dos ekipo a logra anota mas careda y asina e wega a termina cu score di 6-5 na fabor di Freezone Rockets.

Freezone Rockets a score 6 careda, a bati 6 hit y a comete 3 error. Pitcher ganador a resulta Cyenuar Lopez. Mihor bateadornan pa Freezone Rockets a resulta Danilo Croes y Yeremy Croes cu ambos a bay di 4-1. Braves a score 5 careda, a bati 6 hit y a comete 2 error. Pitcher perdedor a resulta Edmar Tromp. Mihor bateadornan pa Braves a resulta Edmar Tromp cu a bay di 5-3 y Angelo Webb cu a bay di 4-2.

Nos ta warda tur fanatico na veld di Crismo Angela / Nadi Croes cuminsando awe, dialuna cu nos prome partido di e siman cual lo ta entre Scorpiorns BBO y Freezone Rockets pa 7:45 PM.

Most Popular

To Top