Baseball

Astro pitcher di Miami Marlins Jose Fernandez a fayece

MIAMI – Pitcher astro di e organisacion di Miami Marlins a fayece diadomingo mainta despues cu e boto cu e tawata aden a hanje den un accidente na Miami Beach. Jose Fernandez conhuntamente cu 2 otro persona ta fayece.

Jose Fernandez a trata di laga Cuba na 3 occasion, na di 4 occasion e pitcher cubano sin pensa a bula na awa pa scapa un persona ora e la realisa ken tawata su propio mama. Cu su 15 anja e la jega Estados Unidos finalmente y asina a cuminsa traha riba su sonjo di un dia jega Grandes Ligas.

E mester a sinja e idioma di ingles cu e no tawata domina bon, y asina mes a pone su dilanti cu e lo no stop di alcansa su sonjo.

Na 2013 a haci su debut cu Miami Marlins unda e la bira gana National League Rookie of the Year. Considera un di e mihor pitchernan di e era nobo di baseball, awe e deporte di baseball a perde un di su mihornan. No solamente como hungador pero como su persona, semper cu un smile asina grandi ariba su cara y un orguyo grandi pa e Cubanonan residencia na Miami.

Nos di Sports Zone Aruba ta uni nos mes na manda palabra di profundo condolencia na famia y amigonan di Jose Fernandez.

Most Popular

To Top