Baseball

Xander Bogaerts y Boston Red Sox AL East Division Champions

CSNE.COM

NEW YORK – Xander Bogaerts y Boston Red Sox ta titula campeon di e American League East Division despues cu e ekipo di Baltimore Orioles ta gana Toronto Blue Jays cu score di 3-2. Boston mes podise no tawata kier a celebra di e manera cu nan wega a bai, gana 3-0 den di 9 inning contra New York Yankees Mark Texeira ta dal un walk off grandslam y asina Boston Red Sox ta keda den terreno cu score di 5-3.

Boston Red Sox no a laga esey stroba e celebracion paso cu un total di 92 wega gana e temporada aki nan ta titula campeon di e American League East Division. Den entrevista cu Xander Bogaerts por a nota un Bogaerts sumamente contento despues di un anja di hopi trabou y sacrificio pa a logra titula campeon.

Awor tur cos ta preparacion pa playoff y mirando e ekipo di Boston Red Sox tin tur intencion di duna David “Big Papi” Ortiz e mihor regalo di despedida cual ta  di hibe na un titulo di Serie Mundial.

Nos di Sports Zone Aruba ta felicita Xander Bogaerts y tur e fanticonan di Boston Red Sox cu e gran titulo aki. Masha Pabien!

Most Popular

To Top