Softball

Gran Final di Softball Fastpitch ta diaranzon awor

ORANJESTAD – E dos rivalnan hopi balansa e aña aki a topa otro den final. Den e promer wega Pizza Hut Monsters tabata ganando 3-1 te den bom di 6 inning momento cu Royal Power a rally cu 5 hit consecutivo contra habridor Richinell Matos bon pa 6 careda pa bolter e score y finalmente gana e promer partido di e serie di best out of 5.

Un tremendo ambiente cu bastante publico na  cu transmicion en bibo di Bo Guia Deportivo cu nos amigo Amador Oduber a sa di trese hugada pa hugada den diferente hogar aki na Aruba. Royal Power 11 careda, 9 hit, 2 error. Pizza Hut Monsters 5 careda, 8 hit, 5 error. Kelvin Silvania a drenta releva Jair Thompson den di 3 inning ta resulta pitcher ganador. Kelvin ta wordo releva pa Jomark Flanegin den di 6 entrada. Richinell Matos ta resulta pitcher perdedor kende ta ricibi relevo di Michael Fingal den di 6 entrada. Mihor bateadornan pa Royal Power tabata Edward Cannister 1-1, Jair Thompson 3-2 y Eldrick Dijkhoff di 4-2. Pa Pizza Hut Monsters a destaca na plato Derward Ruiz 2-2, Alfred Williams 3-2 y Jonathan Tromp 1-1.

Den 15 minuut despues di promer wega a inicia e di dos portido esta Game 2 di e serie di best out of 5. Royal Power hibando ventaha di 5-3 drentando bom di 7 inning momento cu Jomark Flanegin ta permiti dos base por bola hinkando su mes den problema y Pizza Hut Monsters cu a “refuse” pa entrega ta conecta 3 hit back to back encluyendo un triple den center right di propio lansador Richinell Matos kende asina alogra gana su propio wega lagando Royal Power den tereno 6-5 hasiendo e serie final uno hopi interesante. Pizza Hut Monsters 6 careda, 9 hit, 1 error. Royal Power 5 careda, 8 hit, 2 error. Richinell Matos ta gana y Jomark Flanegin ta bay cas cu e derota. Mihor bateadornan pa Pizza Hut Mosnters a resulta Derward Ruiz di 4-4 kende riba un solo anochi incluyendo e promer wega a bay di 6-6 aparentemente un record, Jonathan Tromp ta bay di 2-1. Pa Royal Power a destaca na bate Gregorie Krosendijk di 3-2, Richard Flanegin di 2-1.

Playoff final door di maltempo a wordo posponi y lo continua diaranson 5 di October cu e promer wega cuminsando pa 7:15pm y di dos wega riba schedule pa 9pm na veld di Kudawecha. Fanaticada jega tereno di Kudawecha diaranson awor bin mira e gran final di campeonato official di Aruba Softball Bond y bin apoya bo equipo preferi.

Most Popular

To Top