Baseball

Road to Victory (VIDEO)

ORANJESTAD – E fin di siman aki a tuma lugar na hermana isla Curacao, e torneo internacional di baseball Little League Creme de la Creme. E mihor ekiponan den nos area a competi cu otro den e edad di 9-10 anja y 11-12 anja. Aruba mester a participa cu gran parti di e seleccion di Little League cu a bai St. Croix na July ultimo pero pa motibo di mal tempo di horcan Matthew na ultimo ora a dicidi di cancela vuelo pa Curacao.

Shawn Bareno, Edguard Winterdaal y Edguard Winterdaal Jr.

Dos hoben pelotero cu na July ultimo cu tawata clave pa e seleccion di Aruba si a viaha pa Curacao y a hanja chens pa reforsa e ekipo di Brievengat. Pitcher Shawn Bareno y catcher Egduard “Bacho” Winterdaal Jr. a forma parti di e seleccion di Aruba Center League na July ultimo y ta wordo considera como futuro talento den e deporte di baseball.

Y den Creme de la Creme reforsando e ekipo di Brievengat nan a sa di yuda e ekipo jega e gran final contra di Trai Seru unda nan ta cai venci cu score di 5-4. Trai Seru tambe a conta cu un refuerso di Aruba den Keyshawn Rombley cu por cierto ta un tremendo hungador di e ekipo di Hurricanes.

Keyshawn Rombley hunto cu Trai Seru. Campeon Creme de la Creme 2016.

Den Minor League edad di 9-10 anja, como e unico ekipo di Aruba participando e ekipo di Aruba Guardian Group ta keda como SubCampeon di e torneo Creme de la Creme!

Aruba Guardian Group – SubCampeon Creme de la Creme

Sports Zone Aruba asina aki ta presenta un otro documentario cortico “Road To Victory”, unda ta presenta e ekipo di Aruba Center League bou di guia di Manager Elwin Rincones cu na July ultimo a duna bataya durante Serie del Caribe na St. Croix, US Virgin Islands.

Most Popular

To Top