Softball

Softball femenino U18 lo competi den e Campeonato di CONSURA na Cartagena

ORANJESTAD – E seleccion di softball femenino U-18 di Aruba ta preparando pa un compromiso importante den e siman nos dilanti. Ta asina cu e dianan 15 pa 22 di Oktober lo tin un campeonato internacional di softbol femenino di CONSURA cu ta e Confederacion Suramericana di softbol.

Mester bisa cu un total di 6 pais lo ta presente na e campeonato aki cu ta Brasil, Argentina, Peru, Colombia, Venezuela y mas cu claro Aruba. Notabel ta cu Aruba Softbol Bond ta sigui e vision di e federacion mundial y trahando duro y duna mas atencion na e softbol femenino. E seleccion di softbol femenino U-18 a hiba un preparacion largo, debido y extenso bou guia di un staff di algun experto local. E hungadornan ta entusiasma y ASB tin e pleno confiansa cu lo duna un bon presentacion den e campeonato Suramericano. No mester lubida cu na aña 2013, e seleccion di softbol femenino grandi a sa na triunfa den e ECASC(English Caribbean Amateur Softball Confederation) logrando e premio maximo pa Aruba den Caribe pa despues haya e oportunidad unico di competi den e World Games cu a tuma lugar na Cali, Colombia. E biaha aki un otro seleccion lo haya e oportunidad di representa Aruba dignamente. Un danki sigur na Lotto, e Loteria di Aruba pa medio di Comision di Subsidio a yuda contribui cu e participacion di e seleccion femenino di softbol U-18 pa cu nan participacion den e campeonato di CONSURA na Cartagena, Colombia.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Most Popular

To Top