Baseball

Dare to Dream Foundation ta hiba abo y bo famia Opening Day 2017

SAN NICOLAS -“Xander Bogaerts Dare to Dream Foundation” ta yuda hopi pelotero na Aruba cu ta den necesidad den diferente forma y awor na un manera pa recauda fondo a dicidi di saca un rifa. E rifa tin un total di 10 premio pero e premio mayor ta un sonjo pa esnan cu ta fanatico di e deporte di baseball y mas aun si bo ta fanatico di Boston Red Sox.

E premio mayor lo ta un trip pa Boston pa e Opening Day cu Boston Red Sox na April 2017. Cuater persona lo ricibi nan pasashi pa Boston, nan ticket pa Fenway Park, nan estadia paga y mas aun lo nan ricibi un tour completo di Fenway Park.

Fanaticonan di baseball of esnan cu lo kier experiencia un wega di Boston Red Sox tur ta keda cordialmente invita pa busca nan rifa cu ya ta na benta pa solamente Afl. 5,- na Golden Crown and Sports Bar na San Nicolas.

Mas den e dianan ki lo sali mas punto di benta pa asina bende e rifa aki na differente sitio rond di Aruba.

Most Popular

To Top