News

National Signing Day 2016: Aruba no tin talento?

ORANJESTAD – Diaranzon ultimo na Merca a tuma lugar e “National Signing Day” unda athletanan studiante di tur e high school na differente estado di Merca ta firma nan carta di intento pa sigui nan estudio cu e universidad di nan escohencia. Hopi di nan ya na comienso di anja ta haci conoci nan intencion di sigui nan carera como “student-athlete” conoci serca e staff di coach na e universidad di nan preferencia.

Nos di Sports Zone Aruba a sigui hopi di serca varios hoben Arubiano cu por a wordo firma profesionalmente na July ultimo den e deporte di baseball, pero nos a keda desapunta di conoce cu ningun hoben Arubiano a firma e anja aki.

E pregunta ta surgi e ora cu si na Aruba no tin talento suficiente pa por jega na e siguiente nivel di e deporte. Nos por argumenta cu Aruba tin hopi talento y podise no ta tur oportunidad ta wordo explora. Hobenan ta jena cu illusion cu podise nan ta hanja un oportunidad pa sea sigui un carera profesional na Santo Domingo of jega na un Universidad na Merca pero enrealidad na Aruba no ta existi un programa cu ta tuma rienda di nos hobenan y guianan den e proceso aki.

Nos hobenan tin hopi talento y ta mester sigui explora tur posibilidad pa nan por jega e siguiente nivel di e deporte, sea cual sea e deporte cu nan ta stima.

Most Popular

To Top