Futbol

Hoben Arubiano Denzel Dumfries lo milita cu Jong Oranje

HULANDA – Denzel Dumfries un hoben di 20 anja hunto cu e ekipo di Sparta Rotterdam den Eredivisie awe mester a raporta cu e seleccion di Jong Oranje. E defensa Arubano a milita na dos occasion cu seleccion nacional di Aruba, es tempo ey Aruba a hunga dos “international friendly” contra di e ekipo di Guam den cual Dumfries a score pa seleccion di Aruba.

Es tempo ey e tawatin apenas 17 anja y e la laga sa cu si e oportunidad existi pa un dia hunga pa e seleccion Hulandes pa Aruba no tume na malo. Y esey tawata e acuerdo cu e coach Giovanni Franken a mantene cune, di cual Dumfries ta masha agradecido cune di a sinja bastante di dje, Dumfries a declara den corant di de Telegraaf.

E la sigui splica cu e dianan nos dilanti lo ta experiencia grandi pe y ta spera di por ta den alineacion contra di Portugal. Di chiquito e tawata desea di un dia jega na hunga pa e seleccion di Hulanda y awor e ta contento di ta mas serca di su sonjo den su carera como futbolista.

 

Nos di Sports Zone Aruba ta masha contento pa Denzel Dumfries, un hoben cu ta sigui tras di su sonjo y cu pronto e por ta cu e seleccion grandi di Hulanda den top di futbol internacional.

Most Popular

To Top