Beach Tennis

ITF Aruba Beach Tennis Open 2016

ORANJESTAD – Beach Tennis Aruba Club ta cla, tur cos ta prepara pa duna inicio na e competencia mas spera pa tur hungador di Beach Tennis. No unicamente pa esnan local sino internacional tambe. Un total di casi 1200 participante representando 32 pais. E aña aki e nomber di evento aki ta carga “open” su tras ya cu ITF a introduci, mes un categorianan cu tin den tennis, cual ta e “grandslam” nan den Beach Tennis y Aruba tin e honor di carga y ta anfitrion di un di e “grandslam” nan aki. E otro ta tuma lugar na Italia y na Russia.

Aña pasa e torneo aki a wordo gana pa e pareha Italiano Luca Carli & Michele Capaletti cual lo ta na Aruba e aña aki pa defende nan titulo. Den e parti femenino Patricia Diaz y Maraike Biglmaier lamentablemente no por defende nan titulo debi cu Maraika no lo ta participando e aña aki.

Si nos tuma nota di e participantenan, nos por confirma caba cu lo bai tin espectaculo riba Eagle Beach, mirando kende tur lo ta na Aruba. Den e categoria masculine lo tei nomber nan grandi manera Michele Cappaletti ITA (1), Carli Luca ITA (2), Alessandro Calbucci ITA (3), Luca Cramarossa ITA (4), Nikita Burmakin RUS (5), Thales Santos BRA (6), Matteo Marighella ITA (7), Marcus Ferreira BRA (8), Marco Garavini ITA (9), Tomasso Giovannini ITA (10), Antoni Ramos ESP (11, Vini Font BRA(12), Aksel Samardzic AUA (13), Ivan Syriv RUS (14) y Regis Courtois FRA (16). Di e top 15 nan un total di 14 ta presente na Aruba. Nos no por keda sin pone enfasis cu nos tin un presentante den e categoria aki cua la ta Aksel Samardzic cu no ta un desconocir na Aruba den e deporte aki, kende por cierto a wordo honra siman pasa den e Hall of Fame di sport na Paseo Herencia.

Pa loke ta e categoria femenino nos tin Eva D’Elia ITA (1), Giulia Gasparri ITA (2), Flaminia Daina ITA (3), Patricia Diaz VEN (4), Joana Cortez BRA (5), Federica Bacchetta ITA (7), Sofia Cimatti ITA (8), Rafaella Miller BRA (9), Martina Corbarra ITA (10). Pa loke ta Aruba aki nos tin Marieke Buuts cu ta ranked #45 pa Aruba.

E weganan ta cuminsa awe, dialuna pa 9or di mainta cu e categoria di singles cual lo sigi te den ora nan di 10or di anochi. Diamars lo cuminsa cu categoria di mix doubles cu tambe ta cuminsa pa 9or di mainta y lo cab ate 10or di anochi. Cu otro palabra, pa esnan cu tin gana di relax un tiki banda di nos dushi beach, y tambe apoya nos deportistanan, nos ta warda boso na Eagle Beach caminda cu tin wega henter e siman aki, cu clausura diadomingo dia 20 november 2016

Most Popular

To Top