Futbol

Denzel Dumfries ta debuta cu Jong Oranje

ORANJESTAD – E hoben Arubiano Denzel Dumfries awe ta logra jega na un stap mas serca di su sonjo. Despues di a join e ekipo di Jong Oranje ayera awe nan a mira accion contra di Portugal y na di 57 minuut e ta debuta cu Jong Oranje ora e ta drenta wega.

Nos di Sports Zone Aruba ta sumamente orguyoso di Denzel Dumfries, un hoben cu nos a sigui di 2014 ora cu e la hunga cu e seleccion nacional di Aruba.

Team Films a filma e goal di Dumfries contra e ekipo di Guam, e cu e filmacion ey a crece e interes den e hoben Arubiano. Despues e la firma cu Sparta Rotterdam pa asina subi den Eredivisie e division mas halto na Hulanda y pa awe e debuta den Jong Oranje.

Nos di Sports Zone Aruba ta felicita Denzel Dumfries y cu pronto nos lo por wak e den e top internacional cu e seleccion grandi di Hulanda.

Most Popular

To Top