Baseball

Curacao Baseball Week a ranca sali

WILLEMSTAD – Awe ta e dia ofisial ku e di 4 edishon di Curaçao Baseball Week 2016 ta ranka sali. E inisiadónan Blue Bay Resort, Hensley Meulens, Ben Thijssen ta orguyoso di e nòmbernan grandi ku lo ta presente durante e siman aki. E ‘inspirational auction diner’ ku ta un evento privá lo tuma lugá djamars anochi. Awe tardi, djamars, djarason i djaweps lo tin e Kids Clinics pa e muchanan. E siman lo kulminá riba djabièrne 2 di desèmber ku e tremendo “Ball Park Night” na Tio Daou na Sta Rosa.

Historia i future
Tur kos a kuminsá den 2009 dia nos i Jair Jurrjens a kuminsa traha un plan pa organisá un evento di beisbòl ku lo tuma luga tur aña riba nos isla. Den e añanan ku a sigi nos a bin ta kombersá ku Robert Eenhoorn, Hensley Meulens i Ben Thijssen. Despues di e promé edishon den 2013 nos a bini ku un plan di 3 aña te ku 2016. E edishon di 2016 ta uni hopi forsanan huntu: e hungadónan profeshonal i e coach nan di Kòrsou, Febeko, KNBSB, MLB i por ehempel ISG. Por lo pronto e edishon di 2016 ultimo. Nos intenshon ta pa hasi e CBW e evento di beisòl di mas grandi den nos region. Dimes esaki no ta posibel sin e sosten i konfiansa di nos partners, sponsors i e organisadornan. Na komienso di aña 2017 nos lo sa mas sigur kwa forma e CBW lo haña i si e evento ta algu ku lo kontinua”. Sigun Rogier van de Meer, direktor komersial di Blue Bay Resort.

Charity Auction diner
Riba djamars CBW ta organisa un “charity auction diner” ekslusivo ku ta pa un bon kausa i lo tuma luga na e Sunset Bar & Grill. Den un atmosfera uniko 3 orador lo konta di nan eksperiansanan di bida. E oradornan ta Churandy Martina, Didi Gregorius i Pernell Saturnino. Tambe algun artikulo lo worda subastá pa un bon kausa, beisbòl na Korsou.

Komienso di Baseball Week
Vincent Zrour, Events Manager di Blue Bay Resort: “Un siman grandi lo kuminsá, e soño di hopi Kurasoleño lo bira realidad. Ku hopi plaser nos resort a risibí tur hungadó i coach awe i e siman lo bira un siman inolvidabel. Zrour ta yama danki na tur e sosionan i spònsernan. E sosionan ta: Maduro & Curiel’s Bank, Curaçao Tourist Board, Insel Air, Corendon, ENNIA, Bay West, KNBSB i Chippie. E Gold spònsornan ta: Alamo Car Rental, The Trader, de Jongh’s Sporthuis, Peter Reijmer Grafisch Vormgever (PRGV), Amstel Bright, The Wine Factory i SSK Europe. E Silver sponsor Coca-Cola Curaçao, Senal Sign, Event Services, CreativEyez, One Media Group, Deli Nova, C3 Critical Communication Caribbean, Sambil i Anton Pijpers Sound & Lights.

Presensia di hungadònan i coachnan den tòp
“Hungadònan manera Didi Gregorius, Jonathan Schoop, Jurickson Profar i tambe hopi otro peloteronan grandi ku lo tei presente e siman aki, ta ehempelnan pa e muchanan di Kòrsou. Peloteronan presente: Didi Gregorius, Jonathan Schoop, Jurickson Profar, Sharlon Schoop, Shairon Martis, Ozhaino Albies, Kevin Kelly,  Hainley Statia, Kevin Moesquit, Diegomar Markwell, Carlton Daal, Kalian Sams,Sherman Lacrus, Chris Garia, Sherman Lacrus, Juremi Profar, Denzel Richardson i Darren Seferina.  Nos ta orguyoso di e echo ku nan ta hasi nan maksimo esfuerso pa hasi e evento grandi, sigun Hensley Meulens. Además di Meulens, Eugene Kingsale (KNBSB), Steve Janssen (KNBSB), Sidney de Jong (KNBSB), John Vodenlich (ISG) i Jerry Weinstein (Colorado Rockies) a duna seminarionan wikènt pasá pe entrenadornan lokal i internashonal.

Ball Park night
E Ball Park night lo tuma lugá riba djabièrne 2 di desèmber  na stadion Tio Daou. Un anochi spesial pasobra hopi hungadó di nivel haltu i entrenadornan lo ta presente pa mustra nan talento. Portanan lo habri for di 16:00 or i 16:15 or e promé kompetensia di anochi lo start: Allstar Senior League Game. E “meet & greet” lo kuminsá 19:00 or ku tur hungadó I entrenadornan pa e personanan ku karchi Premium. Despues ku Kris Berry i Jean-Jacques Rojer kanta e himno, e wega di softball Team CBW vs Team Curacao Celebrities lo kuminsa 20:30 or. Hendenan konosí na Korsou den area di sport, musika, arte, entertainment i veteranonan den beisbòl i softbòl lo forma parti e ekipo. E tremendo Homerun Derby ku hopi estreanan lokal lo kuminsa alrededor di 22:00 or i despues lo finalisa ku un show di vuurwerk!

Karchinan ahinda ta optinebel na Albert Heijn Zeelandia, Mensings Caminada, Bruna, 24 Uur Uit De Muur, Beep Beep Rio Canario i Blue Bay Golf i online via ticketscaribbean.com. Muchanan 0-3 aña: Gratis. Kids 4-16 & 65+: Nafl. 10,-. Regular: Nafl. 20,-. Premium: Nafl. 50,- (inkluso  entre otro un meet & greet ku e hungadònan)

Most Popular

To Top