Baseball

Orioles Jonathan Schoop tey pa Curacao Baseball Week

WILLEMSTAD – Nos di Sports Zone Aruba ta di bishita na nos hermana isla Curacao pa e evento grandi di e deporte di baseball, Curacao Baseball Week 2016. E di 4 y posibel ultimo edicion mirando e gastonan grandi cu Blue Bay Beach Resort a inverti den e evento conhuntamente cu KNBSB cual ta e federacion di baseball y softball di Hulanda.

Nos a hanja e oportunidad unico di bishita e top trainer di Curacao cu ta yuda mayoria di e professionalnan firma den e deporte di baseball y nos a topa Juremy Profar cu ta e ruman homber di Jurickson Profar cu tambe ta firma cu e ekipo di Texas Rangers y mas despues nos a topa cu e segunda base di e ekipo di Baltimore Orioles, Jonathan Schoop.

Schoop a splika nos e importancia di e off-season training, unda antes e no tawata prepara fisicamente pa e temporada y awor e ta un parti importante cu e ta prepara su mes na Curacao pa e siguiente temporada.

E astro Arubano di otro banda Xander Bogaerts a sali pa Arizona unda lo e hiba training na EXOS hunto cu algun companjero di ekipo.

Most Popular

To Top