Baseball

​Xander Bogaerts rumbo World Baseball Classic 2017

ORANJESTAD – Xander Bogaerts ta riba e roster inicial hunto cu algun di e grandinan di Curacao manera Didi Gregorius cu ta e shortstop New York Yankees, Jonathan Schoop cu ta e segunda base di Baltimore Orioles, Andrelton Simmons ta shortstop di Anaheim Angels y Kenley Jansen cu ta closer di Los Angeles Dodgers. Si Manager Hensley Meulens por convense tur e hungadornan aki pa e compromiso aki di pa hunga pa Kingdom of The Netherlands, lo e tin un tremendo ekipo pa e World Baseball Classic cu ta tuma lugar na Maart proximo.
Andrelton Simmons lo mira accion na shortstop y Xander Bogaerts lo ta hungando tercera base. E lineup di e ekipo lo ta hopi fuerte, ultimo biaha Team Kingdom a logra jega te semifinal y den un entrevista cu Hensley Meulens e la indica cu nan lo ta competitivo un biaha mas.

Sports Zone Aruba a tene entrevista cu Hensley “Bam Bam” Meulens y pronto lo nos publica e entrevista. Sigui nos atravez di nos medianan social Facebook y Youtube.

Most Popular

To Top